Octavia Mosciatti / Loreto Salinas
Hai cogomelos que adornan os nosos bosques e fungos que habitan no teu propio fogar. Pero hai moito máis do que se ve! A través dun texto entretido e unhas fermosas ilustracións, descubre o fascinante mundo dos fungos e de todo o que teñen que ver tanto coa vida humana como coa de todas as outras criaturas do planeta.
Mergúllate nesta viaxe polo reino Fungi e descubre a vida oculta que nos rodea: desde o seu rol crucial na natureza ata o seu impacto na cociña, na medicina, na agricultura e moito máis. Os fungos existen desde hai moitos anos e séguennos a dar sorpresas e utilidade ata o día de hoxe.
Sabías que algúns fungos poderían revolucionar a forma en que tratamos os refugallos e coidamos do noso planeta?
