Dopazo, Èric / Gregores, Bea
A colección MIUDIÑOS conta, en palabras e imaxes, a vida de artistas senlleiros da nosa cultura. Este libro podería ser un libro calquera pero non o é. Conta a historia de Eduardo Modesto Blanco Amor, aínda que todo o mundo lle chama Blanco Amor. Pasou a vida escribindo e viaxando ata os máis remotos lugares, sempre cunha cámara na man ou cunha historia na cabeza.
Blanco Amor puido ser un escritor calquera pero non o foi: atreveuse a ser el mesmo nunha época na que pouca xente o facía. Atréveste ti a acompañalo na aventura que foi a súa vida? Unha pequena homenaxe da man do autor Éric Dopazo á vida e obra, en imaxes e palabras dun autor inesquecible que deixou unha fonda pegada nas nosas letras. As ilustracións son de Bea Gregores.
