Susana Peix
Quero ser a dragona! é un novo título da colección LEMOS +6 de Cumio, unha liña de lectura inclusiva deseñada para que todos os nenos e nenas poidan acceder á lectura en igualdade de condicións.
Son libros concibidos como unha “rampla de acceso” á lectura: facilitan a comprensión a lectorado con dislexia, dificultades de atención, baixa competencia lectora ou problemas de visión, sen deixar de resultar atractivos para calquera lector.
Deseño claro, tipografía lexible, estrutura textual amable e ilustracións que acompañan o sentido do texto forman parte da identidade da colección.
Mariña e Roi xogan a representar os contos que len, pero cando teñen que elixir os personaxes xorden conflitos. Mariña teno claro: quere ser a dragoa. A través do xogo descubrirán que os papeis poden cambiar e que respectar o que cada quen quere ser forma parte de xogar xuntos.
