Eva Mejuto / Bea Gregores
Unha nova entrega da nosa colección MIUDIÑAS dedicada, nesta ocasión, a LUÍSA VILLALTA, homenaxeada este ano 2024 no día das Letras Galegas. A colección MIUDIÑAS conta, en palabras e imaxes, a vida de artistas senlleiras da nosa cultura.
“Sempre Infinita” é un álbum poético, un petisco da vida e obra de Luísa Villalta, narrada con palabras e imaxes desde as ondas do mar. Luísa Villalta foi unha escritora xenial: intelixente, sensible, apaixonada, comprometida. E foi a autora nomeada pola RAG para celebrar o Día das Letras Galegas. Desde 1963, ano en que se escolleu a Rosalía de Castro, ata 2024, só seis mulleres foron homenaxeadas. Velaquí vai un petisco da súa vida e a súa obra, en imaxes e palabras ás veces prestadas dos propios textos de Luísa Villalta, unha autora inesquecible que deixou unha fonda pegada nas nosas letras.
