Rena Ortega
O novo libro de Rena Ortega! Se che gustou “Bo camiño, peregrino” e “Todo a babor” non podes perderte esta nova aventura cos personaxes creados por esta autora tan especial.
Soñaches algunha vez con te converter en astronauta ou interesouche explorar o espazo? Visitar o noso sistema solar, descubrir Marte ou descubrir cousas interesantes do noso satélite a Lúa? Pois prepárate, porque a seguinte misión ao espazo, GRAVIDADE CERO, está a piques de engalar!
Este libro recolle todo o imprescindible relacionado coa exploración espacial e o seu futuro. Tamén os duros adestramentos previos que a tripulación ten que facer para soportar as condicións para vivir alí e todos os coñecementos esenciais sobre o noso sistema solar e os seus planetas. Vés connosco? Este libro a diferenza dos anteriores, contén moitísima máis información a nivel divulgativo e, coma sempre, dun xeito moi divertido. Neste volume abórdase todo o relativo ao noso sistema solar.
