Nigrán. Memoria dunha Guerra 1936-1939
Juan Antonio González Pérez
Este libro recolle a palabra ferida dos que perderon a guerra de 1936, os que padeceron a furia daqueles que xuraran acatar a constitución do goberno republicano. E recolle tamén a voz dos que, nun principio, gozaron da victoria acadada polas tropas sublevadas contra aquel lexítimo goberno. Todos e todas perderon aquela guerra, as súas consecuencias de terror, miseria e silencio chegaron ata hoxe. Pero non é este un libro de vinganzas, trátase de revisar a historia local cunha metodoloxía científica que consiste en ceder a palabra aos que foron os protagonistas dos feitos, sen fuxir da verdade, sen agardar a que a súa desaparición física nos impida para sempre coñecer cal foi a realidade. As palabras dos dous bandos, por unha vez non enfrentados, xunto cos documentos que verifican o acontecido. Pero hai outras voces, a dos que sucumbiron, as vidas tronzadas pola iniquidade e o odio acumulado, aqueles e aquelas que non sobreviviron ao espanto e foron fusilados, paseados, atemorizados ata a morte. Non hai xustiza para eles que poida resarcir tanta desgraza. Fique ao menos o testemuño dos sobrevivintes para que non poidamos nunca esquecer a terrible vergoña de tanta traxedia.
- Escritor
- Juan Antonio González Pérez
- Colección
- Documenta
- Materia
- Documenta
- Idioma
- Galego
- EAN
- 9788482894782
- ISBN
- 978-84-8289-478-2
- Páxinas
- 452
- Ancho
- 13,5 cm
- Alto
- 20,5 cm
- Data publicación
- 07-03-2014