Namoreime en Ons
Staffan Mörling
O amor é un enigma. Non cruza o camiño de todos, pero aos que chegan a ser branco do seu frechazo resúltalles a experiencia máis persoal da vida. Coñecer os namoramentos doutros é interesante.
Namoreime en Ons é un relato de amor que se desenvolve na España dos anos 1960, época de crecente benestar económico e… dun estilo novo de música. Fala dun amor que, por romántico, fai o sentimento botar as raíces profundas que toda relación necesita para ser estable e duradeira.
- Escritor
- Staffan Mörling
- Colección
- Salitre
- Materia
- Narrativa
- Idioma
-
- Galego
- EAN
- 9788482895086
- ISBN
- 978-84-8289-508-6
- Páxinas
- 216
- Ancho
- 14 cm
- Alto
- 20,5 cm
- Edición
- 1
- Data publicación
- 30-07-2015
Sobre Staffan Mörling
Reseñas
-
Lin con curiosidade Namoreine en Ons (Edicións do Cumio, 2015), o libro máis recente de Staffan Mörling, o antropólogo sueco, grande especialista na dorna e na súa cultura. Novela autobiográfica ou autobiografía novelada, narra a súa chegada a illa de Ons na década de 1960 cunha bolsa para estudar as embarcacións tradicionais galegas. Xaora, a cerna do relato é a súa romántica historia de amor con Xoana, unha fermosa rapaza da illa, coa que casou e coa que vive en Bueu dende entón. A pesar dunha certa inxenuidade na utilización do punto de vista, o relato é interesante como retrato etnográfico da comunidade humana da illa de Ons hai cincuenta anos, dende a descrición das embarcacións (dorna, galeón e lancha xeiteira) e artes de pesca que entón utilizaban os mariñeiros, pasando pola da propia arquitectura até a recuperación das crenzas e lendas da cultura popular, hoxe desaparecidas, recuperadas pola memoria de Mörling. Unha entrañable testemuña etnográfica deste galego de orixe sueca.
-
Enderezo
-
Contacta connosco
