NATURGUÍA CUMIO DO PARQUE NATURAL DE CORRUBEDO. RIBEIRA E O BARBANZA (inclúe mapa 1:32.000)
Manoel Santos

ONDE OS MONTES SON DE AREA
O prodixioso muro granítico da serra do Barbanza non quixo esmorecer no océano así, de súpeto. Preferiu rachar co esgrevio litoral e deixar antes a máis fermosa e abraiante mostra de diversidade natural que a natureza foi quen de crear.
Corrubedo garda na súa cerna a meirande duna móbil do país, un cordón de montes de area vexetados dunha riqueza florística inusitada, unha marisma básica para miles de aves migratorias e invernantes e mesmo dúas lagoas tan achegadas como diferentes: a do Carregal –de augas salobres rodeadas por unha marisma– e a de Vixán –de augas doces protexidas por un mesto carrizal.
E pola contorna unha serra flanqueada de vilas apaixoantes, cun patrimonio arqueolóxico sobresaínte, de cumios no ceo da costa.

11,5 x 22,5. 108 páx. 13,75 €
I.S.B.N.: 84-8289-218-5

NATURGUÍA CUMIO DA SERRA DO COUREL (inclúe mapa 1:50.000)
Manoel Santos

A TERRA DAS DEVESAS
O Courel é un territorio crebado, de montañas fracturadas por vagarosos cataclismos xeolóxicos, de fallas que moldearon bicudos cumios, vales profundos
e pendentes de vertixe. É un glorioso macizo de lousas e xistos fendido por abrancazados afloramentos calcarios. Agacha devesas onde os carballos e as faias máis occidentais de Europa impoñen a súa nobreza. É terra de lobos, de aguias, de corzos…, pero sobre todo é terra de aldeas, poboacións engaiolantes de construccións apiñadas, moreas de laxes de lousa e trabes de castiñeiro que gabean polas abas case que desafiando precipicios.

11,5 x 22,5. 108 páx. 13,75 € (terceira edición)
I.S.B.N.: 84-8289-156-1

NATURGUÍA CUMIO DA SERRA DOS ANCARES (inclúe mapa 1:50.000)
Manoel Santos

O ÚLTIMO REFUXIO
Unha enorme cóbrega de xistos e granitos percorre a fronteira galaico-leonesa. Son os derradeiros retallos de bosques autóctonos eurosiberianos que aínda son dignos de ser chamados bosques. Fragas avesías que acubillan na súa cerna especies animais a piques de sucumbir ante a cobiza do home. Terras que permaneceron séculos illadas e que foron quen de conservar a maior conxunción de valores etnográficos e naturais que se pode ver hoxe en día no noroeste peninsular.

11,5 x 22,5. 96 páx. 13,75 € (terceira edición)
I.S.B.N.: 84-8289-118-9